VMRO-DPMNE dhe BDI formojnë koalicionin qeverisës në Maqedoni
08/07/2008
Pas një jave negociatash, VMRO-DPMNE njoftoi një koalicion të ri me partinë shqiptare etnike të Ali Ahmetit, Bashkimin Demokratik për Integrimin (BDI). Organizmat më të larta brenda VMRO-DPMNE miratuan paktin.
Nga Goran Trajkov për Southeast European Times në Shkup -- 08/07/08
 Një koalicion i ri po përgatitet të marrë frenat në parlament. [Dosje] |
Drejtori i Qendrës së Komunikimit të VMRO-DPMNE, Ilija Dimovski njoftoi në fundjavë se koalicioni Për një Maqedoni më të Mirë, i drejtuar nga VMRO-DPMNE, do të formojë një qeveri me Bashkimin Demokratik për Integrimin (BDI) dhe me Partinë për një të Ardhme Evropiane (PAE). Sipas Dimovskit, dy partitë rivale shqiptare, BDI dhe Partia Demokratike e Shqiptarëve (PDSH) refuzuan të bashkëpunojnë.
Koalicioni i ri do të ketë 82 vende parlamentare duke siguruar më shumë se dy të tretat e shumicës dhe aftësinë për të kaluar ligjet vendimtare.
Vëzhguesit i shohin detyrat kryesore të qeverisë në ringjalljen e ofertës së anëtarësimit në NATO dhe fiksimin e një date për bisedimet e pranimit në BE.
BDI ra dakord të shtyjë integrimin e qytetit të Kiçevos me fshatrat e vet lokalë për katër vjet, një akt fillimisht i planifikuar për në mars 2009. "Të gjitha marrëveshjet qenë të pamundshme me [PDSH] për shkak të numrit të vogël të përfaqësuesve të saj në parlament, 11, në krahasim me BDI që ka 18," tha Dimovski.
"Kryeministri ka një të drejtë legjitime për të bërë një koalicion me partinë që ai zgjedh...Ne nuk ndjehemi të mundur. Ne do të operojmë si një opozitë konstruktive," tha sekretari i përgjithshëm i PDSH, Imer Aliu.
VMRO-DPMNE dhe BDI ranë dakord të vazhdojnë bisedimet mbi një ligj për gjuhën. BDI pranoi programin e VMRO-DPMNE, "Rilindja në 100 hapa", duke përfshirë qëndrimin e saj në mosmarrëveshjen e emrit me Greqinë. Ato ranë dakord gjithashtu në shënimin e shpejtuar të kufirit me Kosovën në përputhje me planin e të dërguarit të OKB-së Marti Ahtisaari.
Sipas paktit, BDI do të ketë pesë ministra, një nënkryeministër dhe tre zëvendës ministra. Kryeministri Nikola Gruevski tha se do t'i cilësojë ministrat e tij deri në fund të javës.
Ekspertët politikë thonë se një koalicion i suksesshëm do të prekte zgjedhjet e ardhshme presidenciale. "Po qe se koalicioni i ri funksionon mirë, në realitet kandidati presidencial i opozitës nuk do të kishte shumë shanse," tha analisti Dane Talevski.
Dërgoje me e-mail te një shok
Versioni për printim 
Reportazh
Shkeljet e të drejtave të njeriut vazhdojnë në rajon, sipas një raporti të fundit nga Amnesty International.
Ne mirëpresim komentet tuaja lidhur me artikujt e SETimes.
Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.
Politika e komenteve të SETimes