Raport: përfitimet e paligjëshme në Malin e Zi janë spastruar nëpërmjet pronave të paluajtëshme

26/03/2007

Autoritetet në Podgoricë thonë se ato po zbatojnë masat për të gjurmuar më nga afër tregun.

Nga Nedjeljko Rudoviç për Southeast European Times në Podgoricë – 26/03/07

Tregu i pronave të patundëshme në Malin e Zi është bërë një strehë për pastruesit e parave. [Getty Images]

Kreu i zyrës së qeverisë për financimin e terrorizmit dhe pastrimit të parave, Predrag Mitroviç, tha më parë këtë muaj se zyra e tij po përforcon kontrollin e vet mbi tragun e pronave të patundëshme si pjesë e luftës kundër pastrimit të parave.

Prona e patundëshme është biznes i madh në Malin e Zi. Rreth kryeqytetit, Podgoricës, ndërtimi dhe restaurimii ndërtesave komerciale, me zyra, apartamente e dyqane luksoze, është një pamje e rëndomtë, ashtu si rimodelimi dhe përtëritja e banesave personale.

Sipas raportit të departamentit të shtetit, megjithatë, ky sektor është gjithashtu një vend i favorshëm për pastrimin e parave.

"Investimi nga individë dhe biznese të huaja në pronën e patundëshme të shternjtë përgjatë bregut të Malit të Zi, ka ngritur çmimet dhe ka dhënë shqetësime rreth burimit të fondeve të përdorura për këto investime," thotë Raporti i Kontrollit të Narkotikëve 2007, lëshuar në 1 mars.

Policia dhe prokuroria nuk janë inkurajuar të hetojnë lëvizjet e pronës së patundëshme për shkak se sistemi gjyqësor nuk është i përgatitur të merret me pasojën, thoshte dokumenti.

Ai i kërkon Malit të Zi të "forcojë legjislacionin për të ngritur kapje më të shpejta të pasurive dhe regjime konfiskimesh si edhe për të ngritur nivelin e aftësisë së tij për të forcuar inteligjencën kriminale dhe teknikat hetuese."

Sipas departamentit të shtetit, Mali i Zi vazhdon të ketë një treg të zi të ndjeshëm për kontrabandimin e mallrave. Të ardhura të paligjëshme vijnë gjithashtu nga tregtia e drogës, korrupsioni, evazioni fiskal, krimi i organizuar dhe lloje të tjera të krimit financial.

Mitroviç thotë se qeveria ka në plan t'i kushtojë vëmendje të posaçme gjurmimit të marrëveshjeve të pronës së patundëshme. "Përveç detyrimit [ligjor] për të ndjekur dhe analizuar raportet që vijnë në të bankën tonë të të dhënave, ne po formojmë një bankë shtesë të dhënash [që do të] përmbajë kopje të kontratave tregtare të pronës së patundëshme," i tha ai medias lokale.

Ai la të kuptohej për një nismë të re për të përftuar kompetencat me qëllim që të kontrollohet tregtia e pronave të patundëshme si edhe të ndihmohet identifikimi i pronarëve realë të kompanive që janë futur në tregti në Malin e Zi.

Sipas të dfhënave zyrtare, në 2005, 14 raste të pezulluara të pastrimit të parave janë paraqitur në departamentin përkatës. Në 2006, u dërguan 29 raste, ndërsa këtë vit janë tetë raste deri tani.

Partitë opozitare thonë se se është bërë shumë pak dhe me ritëm shumë të ngadalshëm. "Problemi nuk mund të fshihet më," tha Nebojsha Medojeviç, kreu i partisë opozitare Lëvizja për Ndryshim.

Gjetjet e raportit do të pengojnë investitorët e huaj nga ardhja në Malin e Zi, paralajmëroi Medojeviç. Ai tha se tre investitorët e mëdhej, Shtetet e Bashkuara, Gjermania dhe Italia kanë një rol të papërfillshëm në Malin e Zi.