Qeveria shqiptare lëshon programin ID
20/03/2007
Një sistem më i mirë identifikimi i votuesit është një përparësi për vendin, thotë kryeministri Sali Berisha.
Nga Erlis Selimaj për Southeast European Times në Tiranë – 20/03/07
 Sa herë që vendi mban një zgjedhje, votuesit duhet të përdorin certifikatat e lindjes dhe dokumente të tjera të ndryshme për të provuar identitetin e tyre. [Getty Images] |
Gjatë zgjedhjeve, shqiptarëve u është dashur të mbështeten në certifikatat e lindjes dhe mjete të tjera identifikimi për të provuar se kush janë. Pengesat e përfshira kanë ndezur një zhurmë çdo cikël zgjedhor. Qeveria po kërkon tani t'i kthehet problemit duke ringjallur idenë e kartave të identitetit ID, propozuar së pari shtatë vjet më parë.
Sipas autoriteteve, kartat e ID do të lëshohen për shtetasit mbi moshën 16 vjeç. Për të parandaluar përdorimin mashtrues, kartat do të përfshijnë gjurmët e gishtrinjve të zotëruesit, një qark kompjuterik që përmban të dhëna rreth mbajtësit dhe një numër të pandryshueshëm identifikimi.
Futja e kësaj forme ID do të "heqë qafe maninë e certifikatave një herë e përgjithmonë," premton kryeministri Sali Berisha. Sipas tij, nisma është një përparësi e lartë dhe qeveria po përgatitet të ndajë fondet shtetërore për ministrinë e brendëshme që të sigurohet realizimi i saj.
Kartat e reja të ID kanë për qëllim jo vetëm të ndihmojnë garantimin e zgjedhjeve të rregullta në të ardhmen, por gjithashtu të ndihmojnë vendin të përmbushë kushtet e paraqitura nga BE në kuadrin e marrëveshjes së stabilizimit dhe shoqërimit me Shqipërinë.
E meta e përdorimit të certifikatave të lindjes doli prapë edhe një herë gjatë zgjedhjeve lokale të muajit të fundit, të cilat qenë plot me ankime. Komuniteti ndërkombëtar i ka kërkuar Shqipërisë të rregullojë sistemin e vet të ID si pjesë e reformës së përgjithëshme zgjedhore.
Analystët kanë përshëndetur masën e qeverisë ndërsa vënë në dukje se procesi i ri i ID do të kërkojë një regjistrim. Ky nga ana e vet, do ta bënte të nevojshme llogaritjen e numrit të shqiptarëve që banojnë jashtë.
Debati mbi kartat e ID nuk është i ri. Në vitin 2000 auutoritetet u përpoqën të lëshojnë një "kartë zgjedhore" për të gjithë ata që qenë të lejuar të votonin. Megjithatë, projekti dështoi pasi autoritetet nxituan ta përfundojnë procesin pa planifikimin e duhur.
Email to a friend
Versioni për printim 
Kosovë: Gjendje pa rrugëdalje në kufi
Energji: Çështje dhe Prirje
Në ndryshim të perceptimit: Gratë në Ballkan
Ballkani nis të bëhet i gjelbër
Ne mirëpresim komentet tuaja lidhur me artikujt e SETimes.
Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.
Politika e komenteve të SETimes