Trazira politike thellohet pasi kryeministri rumun shtyn zgjedhjet e PE

13/03/2007

Tre muaj pas pranimit në BE, koalicioni qeverisës politik është në zgrip të shkatërrimit.

Nga Gelu Trandafir për Southeast European Times në Bukuresht – 13/07/03

photo

Kryeministri Kalin Popesku Tarikeanu (majtas) është grindur shpesh me presidentin Traian Bashesku. [Getty Images]

Megjithë kundërshtimin e fortë të presidentit Traian Bashesku, kryeministri i Liberalëve Kalin Popesku Tarikeanu ka shtyrë zgjedhjet për Parlamentin Evropian deri në gjysmën e dytë të këtij viti. Një "klimë e papërshtatshme politike e brendshme" do të pengonte debatin serioz mbi çështjet evropiane në fushatën për të zgjedhur 35 parlamentarë rumunë të PE, tha Tarikeanu, duke cituar orvatjet e opozitës për të fajësuar presidentin si edhe kërkesën e Basheskut për ndryshime në sistemin aktual të votimit.

Shumica e analistëve politikë thonë se arsyeja reale është rënia e mbështetjes në publik për Liberalët dhe partitë e opozitës, siç kanë treguar sondazhet e fundit. Të ngatërruara në një luftë politike me presidentin, këto parti nuk kanë qenë në gjendje të përgatitin veten për datën fillestare të zgjedhjeve të PE në 13 maj. Një humbje e mundshme mund të kishte pasoja serioze politike si për Tarikeanun dhe për kreun e opozitës, Partisë Social Demokratike (PSD), Mirçea Geoana.

PSD e përshëndeti shtyrjen si "një vendim racional" ndërsa Partia ultranacionaliste e Rumanisë së Madhe e përkufizoi atë si një "gjest të përgjegjshëm". Por Demokratët, partnerët e koalicionit të Tarikeanut, e kundërshtuan masën . Ata e akuzuan Tarikeanun për marrjen e një "vendimi të njëanshëm në përfitim të PSD".

Ministrat e Partisë Demokratike, Vasile Blaga (i brendshëm) dhe Monika Makovei (e drejtësisë) refuzuan të miratojnë masën e emergjencës së Tarikeanut. Atyre u është kërkuar ose të ndryshojnë mendje ose të lënë kabinetin.

"Një shumicë e re po merr formë prapa skenave," tha Bashesku duke akuzuar Liberalët për "shkelje të parimit kryesor demokratik të dorëzimit të mandatit kur nuk ke më shumicën".

Artikuj që kanë lidhje

Loading

Kabineti i Tarikeanut humbi shumicën e vet të brishtë në parlament dhjetorin e shkuar, por partitë qeverisëse nuk kërkuan zgjedhje të parakohshme. Në vend të kësaj, doli një koalicion i ri i përshkruar nga disa gazetarë si "katrori i zi". Partia e Rumanisë së Madhe, Social Demokratët dhe Konservatorët të gjithë thonë se janë gati të mbështesin kabinetin e Tarikeanut në qoftë se ai përzë ministrat e Basheskut.

Që nga mesi i janarit, ky koalicion heterogjen është përpjekur të fajësojë presidentin Bashesku dhe të sigurojë dorëheqjen e Makoveit. Por ajo ka mbështetjen e komisionerit të drejtësisë të BE Franko Fratini dhe të publikut. Në fund të shkurtit, deri në 1,000 rumunë i bënë ballë shiut e të ftohtit në një tubim anti-korrupsion në Bukuresht duke treguar solidaritet me ministren e sulmuar.

Makovei është parë gjerësisht si arkitektja kryesore e shtysës antikorrupsion që bëri të mundur pranimin e Rumanisë në BE.

Me aleatët e mëparshëm politikë që luftojnë njeri tjetrin dhe kundërshtarët e mëparshëm që flenë bashkë, skena politike e Rumanisë është në një zallahi. Vetëm javë pas hyrjes në BE, e çara në qeveri po e bën të pamundur vazhdimin e reformave dhe luftën kundër korruspionit.

Kjo përmbajtje është autorizuar nga SETimes.com.
Loading
Voto
 
 

Ne mirëpresim komentet tuaja lidhur me artikujt e SETimes.

Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.

Politika e komenteve të SETimes

Reportazh

Serbia, SHBA rritin bashkëpunimin ushtarakSerbia, SHBA rritin bashkëpunimin ushtarak

Reformat ushtarake të Serbisë fitojnë mbështetje nëpërmjet bashkëpunimit të sektorit të mbrojtjes me SHBA.

Më popullor

Loading
Loading
Loading

Anketë

Autoritetet e BiH po kopjojnë një model nga Kroacia për të identifikuar dhe proceduar mashtruesit e taksave. Do të jetë ndihmuese një përpjekje e tillë për vendin tuaj?

Po
Jo
Nuk e di