Publiku dyshon raportin e autopsisë për vdekjen e shefit të privatizimeve të Kosovës

23/06/2012

Shumica e blogerëve thonë se nuk besojnë se Dino Asanaj kreu vetëvrasje, dhe disa e lidhin vdekjen e tij së fundmi me marrëveshjet e dyshimta të privatizimeve në Kosovë.

Nga Safet Kabashaj për Southeast European Times në Prishtinë -- 23/06/12

photo

Kreu i agjencisë së privatizimeve Dino Asanaj vdiq javën e kaluar. [Laura Hasani/SETimes]

Vdekja e papritur e kreut të agjencisë së privatizimeve Dino Asanaj tronditi shumë vetë, por përfundimi i raportit zyrtar të autopsisë se Asanaj kishte vdekur si pasojë e goditjes së vetes vazhdimisht me thikë, vazhdon të shkaktojë mosbesim dhe spekulime të gjera për diçka të pandershme.

Arsim Gerxhaliu, drejtor i departamentit mjeko-ligjore në Prishtinë, tha se kishte 11 plagë thike në qafën dhe kraharorin e Asanajt, dhe dy plagë fatale në mushkëri dhe zemër.

"Asanaj filloi duke shkaktuar prerje të vogla në qafë dhe më pas vazhdoi poshtë në kraharor", tha Gerxhaliu.

"Ky është një krim skandaloz që nuk mund të mbulohet me asgjë. Atë njeri e kanë vrarë", shkroi adhurimkrasniqi.

"Duhet të jesh samuraj dhe të kesh përkushtim të jashtëzakonshëm [për vetevrasje] që të mos kesh asnjë arsye për të jetur e të godasësh me thikë veten shtatë herë", shtoi Driton.

Disa, si Hayvani, që pretendon se është mjek, argumentojnë se thjesht nuk ka argumente shkencore për të arritur në përfundimin e vetëvrasjes.

"Shpjegimi i vetëm është se viktima nuk ka treguar shenja rezistence. Logjika e shëndoshë të bën të mendosh se ishte vrasje", tha ai.

Mjeku nga Prishtina Ali Hajra tha për SETimes se sipas opinionit të tij profesionist, vetëvrasja nuk është opsion për të shpjeguar vdekjen e Asanajt.

"Nëse filloi me prerje të vogla, nuk do të kishte mundur të kryente prerjen e fundit fatale. Nëse përkundrazi do të kishte kryer prerjen fatale në fillim, të tjerat nuk do të kishin ndodhur", tha Hajra.

"Megjithëse Dr. Gerxhaliu është një koleg [i respektuar], ka arritur në konkluzion shumë shpejt. Kjo ngjarje, numri i plagëve dhe konkluzioni do të bëhen një rast studimi për institutet mjekësore të Kosovës", shtoi Hajra.

Të tjerë duken të zemëruar dhe mendojnë se autoritetet e Kosovës po e trajtojnë çështjen lehtë, gjë që ushqen spekulime të përhapura për skenarë vrasjesh tipike për regjimet diktatoriale.

"Strategjia se si është vrarë, kush e ka kryer vrasjen, kush e ka detyruar të pritet me thikë dhe të shkruajë letër, janë të qarta se mund të ndodhin vetëm në një shtet mafioz -- të stilit të Al Kapones, Xhon Gotit apo Enver Hoxhës", tha malesoriny.

Një tregues i skepticizmit publik mund të jenë, mes mijëra komentesh, komentet e pakta në internet që mbështetin versionin e autopsisë zyrtare si shkak të vdekjes.

"Asanaj ishte shtetas amerikan dhe mjekësia ligjore ndërkombëtare ishte e pranishme në autopsi", tha Bush.

"Pasi Remzi Ejupi u shfaq në publik dhe rrëfeu se ai është i gatshëm të provojë për ndjekjen penale për pretendimet për mitmarrje [të Asanajt], Asanaj ishte thellësisht i shqetësuar dhe nuk ishte mirë nga ana psikologjike", tha Bush.

"Ai nuk është i vetmi që ka kryer vetëvrasje me thikë; zakonisht këta njerëz e godasin veten shumë herë", përfundoi Bush.

Artikuj që kanë lidhje

Loading

Por Nexhmedin Ejupi, kreu i ndërmarrjes së privatizuar Kosovatex, tha për SETimes se ai e njihte Asanajn përmes marrëdhënieve të ndryshme të biznesit.

Ejupi tha se ai nuk i beson përfundimit të autopsisë "edhe kur një ekip mjekësh ligjorë arrijnë unanimisht në një përfundim". Ka mënyra të tjera për të provuar atë që ka ndodhur, por kjo do të kërkojë kohë, shtoi ai.

Synfrom007 nxiti publikun të jetë më i duruar dhe të presë që prokuroria të kryejë hetimin e vet, pavarësisht rezultateve të autopsisë.

"Shenjat dhe provat në terren mund të jenë më të rëndësishme se raporti mjekoligjor, pavarësisht se provat mbështesin njërin apo tjetrin përfundim".

Kjo përmbajtje është autorizuar nga SETimes.com.
Loading
Voto
 
 

Ne mirëpresim komentet tuaja lidhur me artikujt e SETimes.

Ne shpresojmë që ju do të përdorni këtë forum për të bashkëvepruar me lexuesit e tjerë në të gjithë Evropën Juglindore. Në mënyrë që ta mbajmë këtë eksperiencë interesante, ne ju kërkojmë të ndiqni regullat e theksuara në politikën e komenteve. Duke dërguar komentet, ju i miratoni këto regulla. Ndërkohë që SETimes.com nxit diskutimin mbi të gjitha subjektet, duke përfshirë edhe ato të ndjeshme, por komentet e postuara shprehin vetëm pikëpamjet e atyre që i dërgojnë. Për SETimes.com nuk është e nevojshme ti vërtetojë ose të bjerë dakord me këto ide, pikëpamje, ose opinione të shprehura në këto komente. SETimes.com mirëpret diskutimin konstruktiv por nuk inkurajon përdorimin e materialeve kopjo-ngjit, lidhjeve të pashoqëruara dhe slloganeve me një rresht. Ky është një forum i moderuar. Komentet e gjykuara si abuzive, ofendues, ose ato që përmbajnë karakter fetar mund të mos publikohen.

Politika e komenteve të SETimes

Focus on Ukraine

Reportazh

Mjekësia ushtarake lidh ushtritë e BallkanitMjekësia ushtarake lidh ushtritë e Ballkanit

Ushtritë në rajon kanë përmirësuar bashkëpunimin e tyre nëpërmjet aktiviteteve të përbashkëta të mjekësisë ushtarake.

Më popullor

Loading
Loading
Loading

Anketë

A është Shteti Islamik i Irakut dhe Levantit (ISIL) një kërcënim për Europën Juglindore?

Po
Jo
Nuk e di