Blogerët e Kosovës përshëndesin njohjen nga Mali i Zi e Maqedonia

17/10/2008

Pasi njohjes nga krerët malazezë e maqedonas të pavarësisë së Kosovës në fillim të tetorit, blogerët e Kosovës po vlerësojnë me dashuri vendimin.

Nga Besa Beqiri për Southeast European Times në Prishtinë – 17/10/08

Maqedonia dhe Mali i Zi njohën së fundmi pavarësinë e Kosovës dhe fituan vlerësim të lartë nga blogerët e Kosovës. [Getty Images]

Një ditë pasi Asambleja e Përgjithëshme e OKB miratoi një rezolutë serbe që i kërkon Gjykatës Ndërkombëtare të Drejtësisë të vlerësojë legjitimitetin e shpalljes së pavarësisë së Kosovës, TV Koha Vizion e Prishtinës raportoi njohjen nga Maqedonia e Mali i Zi të njohjes së pavarësisë së Kosovës.

Media e Kosovës me një zë u brohoriti "hvala lijepo" ("faleminderit") të dy vendeve dhe krerëve të tyre, duke pasqyruar ndjenjën e përgjithëshme të shumicës shqiptare të Kosovës.

Në vendim-marrjen e OKB, megjithatë të dy vendet qenë më të përmbajtur të dilnin kundër Beogradit. Shkupi abstenoi nga votimi ndërsa Podgorica votoi në favor të rezolutës serbe. Midis ish republikave të tjera të Jugosllavisë, veç Serbisë, vetëm Bosnje dhe Herzegovina ka ende për të njohur Kosovën.

Xheki, një shqiptar nga Mali i Zi, thotë se do të kremtojë njohjen e Kosovës nga Mali i Zi së bashku me miqtë e tij malazezë.

"Faleminderit Mali i Zi," shkruan Kujtimi nga Kosova. "Ky është lajm i mirë por Mali i Zi kishte interesat e veta [në njohjen e pavarësisë së Kosovës] sepse ka ndërmend të bëhet pjesë e BE," thotë Bekimi nga Prishtina.

Blogeri Visari falenderon shqiptarët në Maqedoni e Malin e Zi për kontributin e tyre në fitoret e fundit diplomatike.

Në Koha Vizion (TV e Kosovës), ministri i jashtëm maqedonas Antonio Miloshoski tha se të dy shtetet, Serbia e Kosova janë të rëndësishme për vendin e tij. Ndërsa Maqedonia njohu pavarësinë e Kosovës, kjo e fundit nga ana e vet njoftoi të hënën njohjen e emrit kushtetues të Maqedonisë.

"Bravo, Shkupi," ngazëllehet Naser Prapashtica, ndërsa Velson shkruan: "Maqedonia, gjithsesi e njohu pavarësinë e Kosovës. Jam kaq i lumtur për këtë njohje."

Ministri i jashtëm malazes Milan Roçen tha se vendimi i Malit të Zi për të njohur pavarësinë e Kosovës pason qëndrimin e dhe vendimet e BE.

Si rrjedhojë, të dy vendet u ndeshën me reagimin e inatosur të Beogradit dhe kritikën nga anëtarët pro-serbë të publikut.

Në Podgoricë, rreth 10,000 demonstrues pro-serbë demonstruan kundër vendimit të qeverisë për të njohur pavarësinë e Kosovës. Protestuesit thërrisnin "Tradhëti!", "Tradhëti!" dhe "Kosova është Serbi!" Krerët e opozitës i dhanë kryeministrit Milo Gjukanoviç një afat përfundimtar 48 orësh për të anulluar njohjen e Kosovës ose të përballej me një referendum mbi çështjen, raportoi Balkan Insight.

Blogerët shqiptarë të Kosovës, nga ana e tyre brohoritën Gjukanoviçin. "Bravo Milo Gjukanoviç për kurajën tënde dhe vizionin e qartë për popullin dhe vendin që udhëheq," thërriste blogeri nga Kosova Fisi.