17/10/2005

Një numër skandalesh të fundit kanë nënvizuar rëndësinë e trajtimit të problemit të korrupsionit në Serbi-Malin e Zi. Një gjykatës i gjykatës së lartë i cili liroi gangsterët për para, ushtarakët e lartë që frynë çmimet e pajisjeve ushtarake dhe doktorët që shitën pensionet e paaftësisë për përfitim, përbëjnë vetëm pak shembuj të rrushfetit të përhapur, mashtrimit dhe shpërdorimit të pushtetit, një problem karakteristik i një shoqërie në tranzicion. Duke njoftuar një "betejë vendimtare kundër korrupsionit" autoritetet duket se po përpiqen të ndryshojnë përshtypjen e përgjithshme se atyre u mungon vullneti politik për të trajtuar problemin. Deri tash, raporton korrespondenti i SETimes Georgi Mitev-Shantek, retorika ka qenë më përshtypjelënëse se rezultatet.