Судот на БиХ подигна обвинение против Кувеља за воени злосторства
11/03/2011
САРАЕВО, Босна и Херцеговина (БиХ) -- Судот за воени злосторства во четвртокот (10-ти март) подигна обвинение против босанскиот Србин, Божидар Кувеља, поранешен полицаец, за геноцид во врска со убиствата на 50 до 100 луѓе за време на масакрот во Сребреница во 1995 година. Кувеља (39) е обвинет за учество во рациите во муслиманските села во источна Сребреница, затворање на муслимански мажи и момчиња и масовни егзекуции. Тој беше уапсен во јануари во јужниот град Чајниче.
Во другите вести од четвртокот, судот во Ливно го осуди Ранко Тривуновиќ на седум години затвор за воени злосторства врз хрватските воени затвореници во Гламоч во 1992 година. Тривуновиќ беше уапсен во ноември. (E-новине, Дневни аваз, Танјуг, Независне новине - 10/03/11)