Таричеану го критикуваше прислушувањето на телефоните во случајот Ванту
22/10/2010
БУКУРЕШТ, Романија -- Поранешниот премиер Калин Попеску Таричеану во четвртокот (21-ви октомври) го критикуваше објавувањето на приватните телефонски разговори меѓу новинарите и медиумскиот магнат Сорин Овдиу Ванту, кој неодамна беше обвинет за врски со лице осудено за проневера. Записите од снимките протекоа и беа објавени во локалните медиуми претходно оваа година. Обвинителите објаснија дека истите биле направени за да „го покажат карактерот“ на Ванту. Теричеану, кој беше премиер од 2004 до 2008 година и е моментно во опозиција, го спореди романскиот правен систем со „Големиот брат“. Ванту, кој е сопственик на медиумската група Реалитатеа-Катавенцу, е осомничен за префрлање огромни суми пари на банкарската сметка на Николае Попа, бегалец кој избега од земјата откако беше осуден на 15 години затвор за организирање пирамидална шема. (AП, Hotnews.ro, Зиаре, Гандул, Котидианул, Адеварул - 21/10/10)