Владеачката ЛДП во Романија се одлучи за реконструкција на кабинетот
02/09/2010
БУКУРЕШТ, Романија -- Премиерот Емил Боц претстави две опции на средбата со пратениците од владеачката Либерал демократска партија (ЛДП) доцна во средата (1-ви септември), извести дневниот весник Гандул. Бок предложи или реконструкција на владата или оставка на целиот кабинет. Ова следеше по соопштението од страна на опозициската Социјалдемократска партија (СДП) и Национал либерална партија (НЛП) дека ќе поднесат интерпелација против владата на Боц до крајот на годината да поништи покачување од 5 отсто на ДДВ и намалување од 25 отсто на јавните плати. Овие две партии контролираат 214 од вкупно 471 пратеничко место. Гандул објави дека пратениците од ЛДП одлучиле да заменат некои министри, затоа што за тоа е потребна согласност само од претседателот. Премиерот ги соопштува кандидатите, а претседателот или ги прифаќа или ги отфрла.(Gandul, Jurnalul National, Ziare - 02/09/10; Bloomberg, Cotidianul - 01/09/10)