Ганиќ ќе ја тужи Србија поради затворањето во Лондон

27/08/2010

САРАЕВО, Босна и Херцеговина (БиХ) -- Поранешниот член на босанското претседателство Ејуп Ганиќ планира да поднесе тужба против Србија во врска со неговото затворање во Лондон под обвинение за воени злосторства. Неговиот адвокат, Дамир Арнаут, во четвртокот (26-ти август) рече дека Ганиќ поминал пет месеци во Лондон како жртва на „злоупотребата на британскиот правен систем за политички цели“. Тој беше уапсен во Лондон на 1-ви март врз основа на меѓународната потерница што ја издаде Србија. Белград инсистираше на тоа дека Ганиќ треба да биде екстрадирам во Србија за да е соочи со обвиненијата за воени злосторства врз војниците на Југословенската народна армија (ЈНА) извршени во Сараево во 1992 година. Наместо тоа, судот за екстрадиција во Лондон на крајот го отфрли барањето на Србија и го ослободи Ганиќ. (Б92, Независне новине, Вечерње новости - 26/08/10)