Tачи ги повика членките на ЕУ да ја признаат независноста на Косово
29/07/2010
ПРИШТИНА, Косово -- Премиерот Хашим Тачи ги повика петте членки на ЕУ кои сé уште не го признале Косово -- Грција, Шпанија, Кипар, Романија и Словачка -- да го ревидираат својот став. Минатонеделното мислење на Меѓународниот суд на правдата (МСП) е најдобар доказ дека косовската декларација за независност е легална, рече Тачи во средата (28-ми јули). „Оправдано, по пресудата на МСП, владата ... очекува овие земји да го признаат Косово“, додаде тој.
Во меѓувреме, во четвртокот, Тачи изјави за приштинскиот весник Косова Сот дека пресудата на МСП ставила крај на секаква идеја за специјален статус, автономија или поделба на северниот дел, со претежно српско население. „Политичко лудило е да се разговара за овие идеи по мислењето на МСП“, рече тој. Тој потврди дека неговата влада е подготвена да разговара со секој легитимен водач, но не и со српските паралелни структури. (Косова Сот, Коха Диторе, Епока е ре, Експрес, Лајм - 29/07/10)