Атинската полиција употреби солзавец за камионџиите што штрајкуваат

29/07/2010

AТИНА, Грција -- Полицијата во четвртокот (29-ти јули) употреби солзавец во обид да ги растера стотиците камионџии-штрајкувачи кои не ја почитуваат владината наредба за враќање на работа. Штрајкот, кој трае веќе четврти ден, веќе доведе до испразнување на полиците во продавниците и резервите гориво на бензиските пумпи, поради што патниците се принудени да ги одложат своите патувања -- уште еден удар за туристичкиот сектор кој се соочува со проблеми. Камионџиите кои нема да ја почитуваат наредбата на владата од средата и ќе продолжат да штрајкуваат доцна во четврток ќе бидат уапсени и ќе им бидат одземени лиценците. Покрај ова, јавните службеници ќе ги заменат демонстрантите и ќе започнат транспортирање на стоката повторно. Возачите протестираат поради владиниот план да охрабри конкуренција издавајќи нови лиценци за далеку пониски цени. Додека камионџиите, наводно, се обиделе да влезат во зградата на Министерството за транспорт во четвртокот, имаше извештаи дека демонстрантите фрлале камења. (Tа Неа, ББС - 29/07/10; ББС, AФП, АНА-МПА - 28/07/10)