ЕУ ја повика Македонија да продолжи со реформите
28/07/2010
БРИСЕЛ, Белгија -- ЕУ во вторникот (27-ми јули) објави дека реформскиот процес во Македонија доби нова динамика, но ја повика земјата да најде решение за некои недостатоци со цел да се забрза процесот на интеграција. Комесарот за проширување на ЕУ, Штефан Филе, рече по состанокот на Советот за стабилизација и асоцијација ЕУ-Македонија дека Европската комисија (ЕК) сé уште сака да отвори разговори за пристапување со Скопје. Сепак, Брисел најпрво сака да види повеќе политички дијалог меѓу владејачките партии и опозицијата, реформи во јавната администрација, гарантирана судска независност, посмела борба против корупцијата и подобрување на човековите права.
Во другите вести од вторникот, Хрватска направи чекор напред кон ЕУ затворајќи уште две нови поглавја од преговорите -- за безбедноста на храната. ветеринарната и фитосанитарната политика, и финансиската контрола. Со овие две поглавја, земјата затвори 22 од 33 поглавја. (ХРТ, ХИНА, Пословни дневник, Нова ТВ, МИА, Алсат М, Сител, Макфакс - 27/07/10)