Јоциќ нема да сведочи во судскиот процес за убиство во Хрватска
18/03/2010
ЗАГРЕБ, Хрватска - Српскиот „бос“ на дрогата Сретен Јоциќ нема да сведочи на судењето кое е моментно во тек во Загреб за убиството на познатиот хрватски издавач и новинар Иво Пуканиќ, објави во средата (17-ти март) загребскиот жупански суд. Судиите истакнаа дека Јоциќ ќе се соочи со обвиниенија во врска со убиството во Белград. Обвинителството вели дека Јоциќ го организирал убиството на Пуканиќ, плаќајќи 1,5 милиони евра да биде убиен новинарот кој пишуваше за шверцот. Пуканиќ, косопственик и главен уредник на неделникот „Национал“, загина во напад со автомобил-бомба во центарот на Загреб на 23-ти октомври 2008 година, заедно со маркетинг-директорот на весникот, Нико Фрањиќ. (Бета, ХРТ, Б92 - 17/03/10)