Филе сака подобра политичка клима во Албанија

18/03/2010

TИРАНА, Албанијa -- Комесарот за проширување на ЕУ, Стефан Филе, ги повика албанските политичари во средата (17-ти март) да го решат тековниот ќор-сокак што е можно поскоро. Повикот беше упатен во вид на изјава издадена од страна на делегацијата на ЕУ во Тирана, пред планираната посета на Филе в петок. „Ќе ги повикам сите политички водачи да работат заедно за да може Албанија целосно да ги спроведе потребните реформи за ... својата европска аспирација“, рече Филе. Тој мислеше на парламентарниот бојкот кој опозициската Социјалистичка партија (СП) делумно го прекина неодамна.

Известувачката на Европскиот парламент за визната либерализација, Тања Фајон, исто така, апелираше до СП во средата да учествува целосно во парламентот. Говорејќи од Стразбур, таа ги повика пратениците да покажат политичка зрелост во време кога процесот на визната либерализација на државата со ЕУ влегува во клучна фаза. Иако СП официјално го прекина шестмесечниот бојкот поради, како што смета, фалсификуваните избори во јуни 2009 година, членовите присуствуваат на седниците само селективно. (Лајмфундит, Шекули, Балкан веб, Топ ченал - 17/03/10)