Соборениот тајландски премиер заврши во Црна Гора
18/03/2010
ПОДГОРИЦА, Црна Гора -- Властите во средата (17-ти март) потврдија дека соборениот тајландски премиер Таксин Шинаватра е црногорски државјанин и дека моментно се наоѓа во државата. Медиумите објавија на крајот од неделата дека Шинаватра бил забележан во Будва. Иако тој е баран од властите во неговата држава, каде што беше осуден во отсуство на две години затвор за корупција, црногорската полиција вели дека тие немаат причина да го уапсат. Шинаватра е сменет во воениот удар во 2006 година поради обвинувањата за корупција и злоупотреба на функцијата. Тој доби црногорско државјанство и пасош минатата година. (РТЦГ, Кафемонтенегро, ББС, Ројтерс - 17/03/10)