Пропадна самитот за романските уставни измени
16/03/2010
БУКУРЕШТ, Романија -- Самитот на парламентарните партии во кабинетот на претседателот Трајан Башеску пропадна во понеделникот (15-ти март), кога опозициската Социјалдемократска партија и Национал-либералната партија заминаа порано. Тие се противат на планот на Башеску за претворање на дводомниот парламент во еднодомен, со намалување на бројот на пратениците од 471 на 300. Јавноста ја поддржа идејата за необврзувачки референдум на крајот од минатата годијна, но за да биде усвоен уставен амандман, потребно е двотретинско мнозинство во парламентот. Опозициските партии велат дека измената ќе ја поткопа улогата на парламентот и ќе му даде на претседателот повеќе ингеренции. Владејачката Либерал-демократска партија го поддржува предложениот амандман. (Eвениментил зилеи, Гандул, Котидианул, Адеварул - 16/03/10)