Косовската владејачка партија ПДК победи на изборите во Гњилане
15/03/2010
ПРИШТИНА, Косовo -- Кандидатот на владејачката Демократска партија (ПДК) победи во градоначалничката трка во Гњилане во неделата (14-ти март), трет пат откако се одржува. Ќемајл Мустафа го победи Фатмир Реџепи од Демократската лига на Косово со 5.000 гласови разлика. Централната изборна комисија објави дека немало инциденти и дека одѕивот изнесувал околу 41 отсто. Меѓу нив имало и локални Срби. Гласачите мораа да излезат на гласање трет пат по ред за да го изберат својот градоначалник, по нерегуларностите утврдени во вториот круг во декември, по изборите во ноември. (Зери, Коха Диторе, Експрес - 15/03/10; РТК, Кохавижн - 14/03/10)