Албанија вети дека ќе ги испита сомневањата за шверц со органи
14/03/2010
БЕЛГРАД, Србија -- Албанскиот министер за надворешни работи, Илир Мета, во петокот (12-ти март) ја заврши дводневната посета на Белград, велејќи дека неговата држава е подготвена да отпочне темелна истрага за наводниот шверц со органи, отстранети од српските затвореници во текот на борбите кои завршија во 1999 година. Обвинувањата дека припадниците на Ослободителната војска на Косово киднапирале цивили за време на војната за да им ги отстранат органите, за првпат се појавија во книгата на Карла дел Понте, поранешната главна обвинителка на Хашкиот трибунал за воени злосторства. Мета во петокот рече дека е време да се стави крај на тврдењата на Дел Понте. (AФП, АНСА, Албанијан тајмс - 12/03/10)