Србија испитува осомничени за воени злосторства во Косово
14/03/2010
БЕЛГРАД, Србија -- Обвинителството за воени злосторства во саботата (13-ти март) објави дека испитува 26 лица осомничени дека извршиле злосторства врз Албанците во Косово во 1999 година. Девет други лица беа уапсени во петокот во Србија за овие воени злосторства, конкретно за грабеж и убиства на преку 200 Албанци во мај 1999 година во селата во близина на Пеќ, во западно Косово. Дваесет и шест се осомничени за убиствата на 41 лице во едно село на 14-ти мај 1999 година. Сите осомничени биле или членови на српската паравоена единица наречена „Чакали“ или резервни полицајци. (AФП - 13/03/10; AФП, Б92, АП, ВоА, ДПА - 12/03/10)