Член на претседателството на БиХ се закани со оставка поради Ганиќ

14/03/2010

САРАЕВО, Босна и Херцеговина (БиХ) -- Српскиот член на претседателството Небојша Радмановиќ во петокот (12-ти март) се закани дека тој и другите Срби е можно да поднесат оставки од владата поради бошњачката поддршка за поранешниот член на претседателството Ејуп Ганиќ. Ганиќ беше уапсен на 1-ви март на лондонскиот аеродром Хитроу, врз основа на меѓународната потерница издадена од Белград. Тој подоцна беше ослободен со кауција, во очекување на рочиштето за екстрадиција следниот месец. Србија сака му суди на Ганиќ за нападот од мај 1992 година во Сараево врз конвој на Југословенската народна армија, при кој загинаа повеќе од 40 војници. Бошњачкиот член на претседателството Харис Силајџиќ отворено ја критикуваше Велика Британија за наводниот лош третман на Ганиќ додека бил во притвор, а потоа отпатува за Лондон да ја покаже својата поддршка за поранешниот претседател. За време на престојот таму, Силајџиќ се состана со британскиот секретар за надворешни работи, Дејвид Билибенд, и побара од него да се извини за начинот на кој бил третиран Ганиќ. Радмановиќ во петокот рече дека Силајџиќ не се консултирал со другите двајца членови на трипартитното претседателство пред да отпатува за Лондон. (AП, Б92, Бета, СРНА, АФП - 12/03/10)