Европските социјалисти изразија поддршка за албанската опозиција

11/03/2010

СТРАЗБУР, Франција -- Членовите на Партијата на европските социјалисти (ПЕС) во средата (10-ти март) ја изразија својата поддршка за напорите на албанската опозициска Социјалистичка партија (СП), за испитување на општите избори во 2009 година. Водачот на СП Еди Рама беше во Стразбур, каде што се состана со претставниците на ПЕС и високи членови на Европскиот парламент (ЕП), објаснувајќи: „Сакам да ја истакнам важноста на слободните избори и нивната транспарентност“. Тој додаде дека Албанија мора да прекине со местење на изборите еднаш засекогаш. Тој, исто така, повика на слободно движење на Албанците во Европа.

ПЕС ја поздрави одлуката на СП за ставање крај на шестмесечниот бојкот и враќање во парламентот минатиот месец. Истата ја повика албанската влада да ја исполни својата обврска и да й дозволи на комисија да ги испита оспорените избори. Од своето враќање, СП се фокусираше единствено на прашањата кои ја засегаат. (ББС, Топ ченал, Шекули, Ора њус - 10/03/10)