БиХ го исполни последниот услов од патоказот за визната либерализација
10/03/2010
САРАЕВО, Босна и Херцеговина (БиХ) -- Советот на министри во вторникот (9-ти март) го назначи Химзо Селимовиќ за шеф на Директоратот за координирање на полициските тела и ги именуваше Урош Пена и Миле Јуриќ за негови заменици. Премиерот Никола Шпириќ рече дека со тоа БиХ го исполни последниот услов од патоказот на ЕУ за визната либерализација. Земјата се надева дека ќе биде вклучена во безвизниот режим на ЕУ од јули. Владата, исто така, именуваше членови на работната група која ќе ги изготви амандманите на уставот и изборниот закон, во согласност со неодамнешната пресуда на Европскиот суд за човекови права. (Дневни аваз, РТРС, БХРТ - 09/03/10)