Тројца осомничени во случајот на тешка кражба во Кипар
10/03/2010
НИКОЗИЈА, Кипар -- Полицијата во вторникот (9-ти март) објави дека се уапсени две лица во врска со кражбата на посмртните останки на починатиот претседател Тасос Пападопулос, заедно со третиот осомничен кој веќе беше затворен за други кривични дела. Телото, украдено во декември, беше пронајдено во понеделникот во близина на гробиштата во Никозија. Полицијата вели дека мотивот бил откуп, кој семејството одбило да го плати. Тројцата осомничени се опишани како: Индиец со фалсификуван бугарски пасош, затвореникот Андонис Пропокиу Китас -- кој отслужува доживотна затворна казна во централниот затвор во Никозија за серија убиства -- и еден роднина на Китас. Инспекторите веруваат дека Китас го организирал делото од неговата ќелија. (КНА, АФП - 09/03/10)