Бугарија е можно да ги зголеми транзитните давачки за рускиот гас
17/02/2010
СОФИЈА, Бугарија -- Министерот за енергија, Трајчо Трајков, во вторникот (16-ти февруари) рече дека Софија е можно да побара повисоки транзитни давачки за рускиот гас кој поминува низ нејзината територија во правец кон балканските држави. Трајков не даде прецизни бројки, но истакна дека сличните вакви такси што ги наплаќаат државите се двапати поголеми од сумата што ја добива Бугарија. Изјавата уследи по неочекуваната посета на генералниот директор на Гаспром, Алексеј Милер. За време на посетата на Софија, Милер се состана и со претседателот Георги Парванов и со премиерот Бојко Борисов. Разговорите се фокусираа на гасоводот Јужен тек и договорите за снабдување со гас кои ќе ги заменат оние што истекуваат оваа година. (AП, бТВ, БНР, Новинар - 16/02/10)