Мета вели дека опозицијата треба да придонесе во напорите за ЕУ
22/12/2009
TИРАНА, Албанија -- Министерот за надворешни работи Илир Мета во понеделникот (21-ви декември) ја повика опозицијата да придонесе во процесот на интеграција на Албанија во ЕУ, инсистирајќи дека нивниот парламентарен бојкот ги попречува реформите. „Се надевам дека ова е привремено“, додаде тој, бидејќи поддршката на опозицијата е неопходна во процесот на визната либерализација, за комплетирањето на прашалникот на ЕК и сите други процеси кои се дел од интеграцијата во ЕУ. Опозициската Социјалистичка партија ги бојкотира седниците на парламентот од декември, барајќи истрага за општите избори во јуни. (Газета старт, Балкан веб, Шекули, Топ њус, Телеграфи - 21/12/09)