Бан го објави извештајот за Кипар
03/12/2009
ЊУЈОРК, САД -- Генералниот секретар на ОН, Бан Ки Мун, во извештајот од средата (2-ри декември) констатира дека директните разговори во Никозија за повторно обединување на Кипар напредуваат, но сé уште не влегле во најтешката фаза. Во документот се истакнува дека иако двете страни заземаат конструктивна улога во дијалогот, сепак мора да се решат некои проблематични прашања, што значи дека ќе има несогласувања. Бан ги охрабри водачите на заедниците на кипарските Турци и кипарските Грци да покажат реализам, истакнувајќи дека процесот на преговори бара решителен и трпелив пристап. Тој, исто така, ги повика членките на Советот за безбедност на ОН да одобрат продолжување на мировната мисија на ОН во Кипар за уште шест месеци, до следниот јуни. (Прес-центар на ОН, БТА - 02/12/09)