Тадиќ и други пред суд заради пиење шампањ
18/11/2009
БЕЛГРАД, Србија -- Претседателот Борис Тадиќ, заедно со министерката за спорт, Снежана Марковиќ-Самарџиќ, и претседателот на фудбалската федерација, Томислав Караџиќ, мора да се појават на суд на 1-ви декември, за да се соочат со обвиненијата за пиење шампањ на стадион. Во октомври медиумите објавија фотографии на кои тројцата држат чаши шампањ по победата на Србија со 5:0 над Романија во квалификациите на Светскиот куп. Казните за пиење алкохол на спортски настани се движат од 150 до 1.500 американски долари. Тадиќ рече дека ќе ја плати казната ако судиите го прогласат за виновен. Тој тврди дека наздравил со шампањот, но не се напил. (Вечерње новости, ББС, АП, Б92 - 17/11/09)