09/11/2009
ТИРАНА, Албанија -- Надојдените реки во Грамш, на околу 60 километри од Тирана, убија две лица, додека поројните дождови предизвикаа поплави во северозападните региони Лежа, Курбин и Скадар. Првите жртви на поројните дождови во областа беа извлечени од реката Сојник во неделата (8-ми ноември). Националниот пат за Кукеш, кој го поврзува и северниот дел со Косово, беше парализиран неколку часа во саботата. Формирана е специјална единица за справување со ситуацијата. (Шекули, ББС, Клан, Топ њус - 08/11/09)