Српската влада ќе расправа околу предлог-законот за Војводина

05/11/2009

БЕЛГРАД, Србија -- Владата планира во четврток (5-ти ноември) да расправа околу предлог-законот за утврдување на јурисдикцијата на покраината Војводина, предуслов за усвојување на статутот на покраината. Предлог-законот беше додаден на агендата откако премиерот Мирко Цветковиќ и Ненад Чанак, водач на Лигата на социјалдемократите на Војводина (ЛСВ), постигнаа согласност околу амандманите предложени од партијата, кои ќе бидат вклучени во предлог-верзијата на документот. ЛСВ инсистира на тоа дека Војводина има главен град -- Нови Сад -- како и своја сопствена Академија на науките и уметностите, и дека автономијата на покраината не може да биде поткопана од други закони. Усвојувањето на предлог-законот беше одложено поради несогласувањата во врска со тоа колкава автономија треба да се задржи. По усвојувањето од страна на парламентот, законот за пренесување на надлежностите ќе биде проследен до парламентот, заедно со предлог-статутот. Истиот беше усвоен од страна на парламентот на покраината пред повеќе од една година. (Бета, Танјуг - 05/11/09; Б92, Фонет, Бета, РТС - 04/11/09)