Српскиот премиер го поддржа договорот на Војводина
04/11/2009
БЕЛГРАД, Србија -- Премиерот Мирко Цветковиќ оствари разговори со шефот на Лигата на социјалдемократите на Војводина, Ненад Чанак, во врска со предлозите за статутот на управување на покраината. Предлог-статутот е моментно во процес на расправа, но е прекинуван поради несогласувањата за тоа колкава автономија треба да има Војводина. Според Чанак, тој и премиерот се согласиле за решенијата кои би го спречиле евентуалното поткопување на автономијата на покраината. Цветковиќ, во меѓувреме, рече дека неговата влада ќе се согласи со сугестиите на партијата на Чанак, како и дека очекува мнозинска поддршка во парламентот за статутот. (Б92, Политикa)