Косовски и македонски дипломати ќе работат на формирање амбасади

03/11/2009

ПРИШТИНА, Косово -- Министерот за надворешни работи, Скендер Хисени, се очекува да го посети Скопје в петок (6-ти ноември), при што ќе разговара околу практичните прашања поврзани со отворањето амбасади во двата главни градови, објавија локалните медиуми во вторникот, цитирајќи владини извори во Скопје. Подоцна овој месец делегација од Македонија ќе ја посети Приштина за да го финализира отворањето на Македонската амбасада во Косово.

Во другите вести, Меѓународната цивилна канцеларија ги објави резултатите на двете истражувања што ги спроведе во април и јуни, за мерење на задоволството на јавноста од локалната и централната администрација. Во април 40 отсто од Албанците веруваа дека животните услови ќе се подобрат; во јуни бројката падна на 37 отсто. Меѓу Србите, 18 отсто од испитаниците во април веруваат дека ќе има подобри животни услови, додека во јуни процентот падна на 10 отсто. Што се однесува на улогата на ЕУЛЕКС, 74 отсто од сите испитаници изразија очекување дека ЕУЛЕКС ќе помогне во разбивањето на корупцијата во Косово. (Коха Диторе, Зери, Косова Сот - 03/11/09)