Судењето на Медиу повторно одложено
07/07/2009
TИРАНА, Албанија -- Високиот суд во Тирана во понеделникот (6-ти јули) повторно го одложи судењето на поранешниот министер за одбрана Фатмир Медиу, кој се соочува со обвиненија за злоупотреба на службената положба. Адвокатите на Медиу не се појавија во судот, поради, како што рекоа, привременото затворање на тунел по автопатот Драч-Кукеш. Обвинителите рекоа дека затворањето на тунелот било најавено неколку дена порано. Рочиштето е сега закажано за септември. Медиу е обвинет во врска со минатогодишните експлозии на муниција во Гердец, во кои загинаа 26 лица, а беа повредени 300. (Њус 24, Балкан веб, Телеграфи, Шекули - 06/07/09)