Грчките медиуми го откажаа штрајкот по судската одлука
03/07/2009
AТИНА, Грција -- Штрајкот планиран од страна на медиумите за во четвртокот (2-ри јули) мораше да се откаже, откако судот во Атина го прогласи за незаконски. Одлуката уследи набргу откако започна штрајкот на пладне, поради што истиот мораше да биде прекинат. Новинарите протестираа поради затворањето на два медиуми -- весникот Елефтерос типос и радиостаницата Сити -- чии сопственици за затворањето ја обвинуваат актуелната економска криза. Организаторите на протестот велат дека не се откажуваат.
Во другите вести, две моќни експлозии ја потресоа централна Атина рано во петокот. Првата оштети автомобили и згради на една крстосница во областа Амбелокипи. Два весника примија предупредувачки повици за бомбата, но не беше спомената точна локација. Втората експлозија предизвика голема штета на Грчкиот институт за миграциска политика. Ниту една група досега не ја презеде одговорноста за нападите. (Нафтемборики, Етнос, Вима, Скај, АФП - 03/07/09; Фокус - 02/07/09)