Христофиас ја предупреди Турција да не се меша во разговорите за повторно обединување

08/03/2009

НИКОЗИЈА, Кипар -- Кипарскиот претседател Деметрис Христофас во петокот (6-ти март) рече дека влијанието на Турција над кипарските Турци им штети на тековните директни разговори за повторно обединување на поделениот остров. „Уште една ... сакам да истакнам дека ако ЕУ и меѓународната заедница не ја убедат Турција дека водачот на [кипарските Турци Мехмет Али Талат] е преговарачот и дека мора да има целосна слобода за преговарање, тогаш работите ќе бидат тешки“, рече Христофиас на прес-конференција. „Ќе има решение ако Турција покаже разбирање и промена на својот став.“

Во меѓувреме, Талат во саботата сигнализираше дека е можно да не се кандидира за нов манадат во 2010 година, ако двете кипарски заедници не постигнат договор до крајот на 2009 година. „Ако нема надеж за решение [до крајот на годинава], јас не сум ја завршил својата мисија“, изјави Талат за весникот Сабах. Тој призна дека темпото на директните разговори за повторно обединување е бавно, префрлајќи го тоа на „сериозните разлики“ помеѓу двете страни за имотните прашања и размените на територија. (Сабах, новинска агенција Анадолу, Ројтерс - 07/03/09; КНА, Фамагуста газете, АП, Ројтерс, АФП, ДПА, Макфакс - 06/03/09)