Нема разговори за пристапување за Македонија без да се реши спорот околу името, предупредува чешки официјален претставник

24/12/2008

ПРАГА, Чешка -- Mакедонија нема да може да започне разговори за пристапување со ЕУ додека не го реши својот спор околу името со Грција, предупреди во вторникот (23-ти декември) чешкиот вицепремиер Александар Вондра. „Шансите за напредок без решение за спорот во врска со името се мали. Чешка го промени своето име трипати во рок од четири години, во раните 1990-ти, но тоа немаше никакво влијание на нашиот идентитет или нашата меѓународна позиција“, рече Вондра, чија земја на 1-ви јануари го презема ротирачкото претседателство на ЕУ. Тој одговараше на коментарот на македонскиот министер за надворешни работи, Антонио Милошоски, кој во понеделникот рече дека Скопје би можела да очекува датум за почетокот на разговорите за пристапување откако ќе ги исполни критериумите. (Вечер - 24/12/08; Maкфакс, А1 - 23/12/08)