Владата го одобри бугарското повлекување од Ирак
16/11/2008
СОФИЈА, Бугарија -- Бугарската влада во четвртокот (13-ти ноември) го одобри предлогот за повлекување на своите 155 војници од Ирак кога ќе истече нивниот мандат на крајот од годинава. „Ова беше многу тешка мисија за нашите војници“, рече премиерот Сергеј Станишев, кој во 2005 година водеше кампања за повлекување на војниците. Тој потсети дека Бугарија изгуби 13 војници и шест цивили во Ирак.
Исто така во четвртокот, владата го одобри националниот акционен план за борба против тероризмот. Истиот вклучува голем број мерки, од спречување на ширењето на „радикалните идеи“ до зајакната соработка со ЕУ, НАТО и другите сојузници, се вели во соопштението. (БТА, БНР, Дарик, Софиска новинска агенција, АФП, АП - 13/11/08)