Во Турција започна судењето за Ергенекон
20/10/2008
АНКАРА, Турција -- Контроверзното судење беше отворено во понеделникот (20-ти октомври) и во истото се вклучени 86 лица, обвинети дека се припадници на таинствената сепаратистичка група Ергенекон. Таа, наводно, ковала заговор за соборување на происламистичката влада на земјата. Меѓу обвинетите се и пензионирани армиски офицери, левичарски политичари, членови на секуларистички здруженија, новинари и академици кои се противници на Партијата на правдата и развојот (АКП). Тие, наводно, формирале нелегална организација, која планирала да поттикне хаос и нереди, доведувајќи до државен удар против владата на АКП. Обвинителите велат дека групата е одговорна за најмалку два вооружени напади во Турција. Тие, исто така, ги товарат обвинетите дека планирале атентати на неколку познати личности, меѓу кои и премиерот Реџеп Тајип Ердоган и добитникот на Нобеловата награда, Орхан Памук. (Хуријет, Заман, Радикал, Сабах, Милијет - 20/10/08; новинска агенција Анадолу, АФП, Ројтерс - 19/10/08)