Лајчак вели дека отцепувањето или укинувањето на РС е невозможно

13/10/2008

САРАЕВО, Босна и Херцеговина (БиХ) -- Високиот претставник Мирослав Лајчак во неделата (12-ти октомври) ги отфрли предлозите да ја укине Република Српска (РС) или да дозволи нејзино отцепување од БиХ. Двете идеи се „невозможни“, рече тој. „Политичарите, од едната страна, велат дека ќе ја укинат РС, додека политичарите од другите страна играа со идејата за отцепување од БиХ. Тоа е длабоко неморално и меѓународната заедница нема никогаш да го дозволи“, изјави тој за новинарите во Сараево. Во саботата премиерот на РС Милорад Додик рече дека ентитетот ќе се отцепи од БиХ ако Лајчак го смени од функцијата.

Во петокот хрватскиот претседател Стипе Месиќ рече дека меѓународната заедница повеќе не треба да ги толерира заканите на Додик за отцепување. РС е бурет-барут кое може да експлодира во секој момент, предупреди тој. Ако ентитетот се отцепи од БиХ, босанските Хрвати ќе го сторат истото, изјави тој за германскиот весник Дер Шпигел. (Бета, Фонет, Макфакс - 12/10/08; Шпигел, Макфакс, Јавно - 10/10/08)