Тадиќ ќе го посети Брисел и ќе разговара за влезот во ЕУ
02/09/2008
БЕЛГРАД, Србија -- Претседателот Борис Тадиќ во среда (3-ти септември) ќе предводи висока делегација во Брисел, на разговори со високи претставници на ЕУ околу процесот на интеграција на Србија. Во делегацијата ќе биде и премиерот Мирко Цветковиќ, вицепремиерот Божидар Делиќ и министерот за надворешни работи, Вук Јеремиќ. Тие ќе се состанат со претседателот на Европската комисија, Жозе Мануел Баросо, шефот за надворешна политика на ЕУ, Хавиер Солана, и комесарот за проширување на ЕУ, Оли Рен. Набљудувачите очекуваат српскиот парламент да одржи седница наскоро за да го ратификува Договорот за стабилизација и асоцијација (ДСА) со ЕУ. Иако Србија го потпиша ДСА во април, политичките превирања во парламентот го одолговлекоа ратификувањето со месеци. (Taнјуг, Б92, АФП -01/09/08)