Романија повторно отвори граничен премин со Молдавија
04/08/2008
БУКУРЕШТ, Романија -- Владата повторно го отвори пограничниот премин Скулени на границата со Молдавија рано во неделата (3-ти август), по заедничката романско-молдавска одлука. Потребата за негово затворање ја наметна високото ниво на реката Прут. Сообраќајот низ граничниот премин Станца продолжи во саботата.
Во другите вести, премиерот Калин Попеску Таричеану во неделата рече дека реконструкцијата на домовите погодени од неодамнешните поплави претставува највисок приоритет на владата. Околу 800 куќи се урнаа поради поплавите.
Во меѓувреме, нов топлотен бран ја зафати јужна Романија во понеделникот и вторникот. Температурите се очекува да се искачат до 36 степени целзиусови во јужните окрузи Олтенија и Мунтенија. Во Букурешт метеоролозите предвидуваат температури од 35 степени. (Хотњус - 04/08/08, Aгерпрес, Медифакс - 03/08/08)