Турски опозициски партии се жалат на прислушкување на телефоните

29/05/2008

AНКАРА, Турција -- Најголемата опозициска Републиканска народна партија (ЦХП) и Партијата на националистичка акција ја обвинија владата и владејачката Партија на правдата и развојот (АКП) за прислушкување. Водачот на ЦХП, Дениз Бајкал, на прес-конференцијата во средата (28-ми мај) рече дека прислушкувањето од страна на државните организации ја поткопува демократијата и правата на граѓаните. Тој свика прес-конференција откако весник наклонет на владата во понеделникот објави усен разговор помеѓу заменик-претседателот на ЦХП Ондер Сав и еден гувернер. Министерот за внатрешни работи, Бесир Аталај, и обвинителите велат дека ќе отпочнат истрага.

Во другите вести од средата, Амнести интернешнал го објави својот извештај од 2008 година и изрази загриженост во врска со судската непристрасност и зголемувањето на насилството. Оваа комисија за следење на човековите права, исто така, изрази загриженост во врска со нападот на Турција врз припадници на терористичката Курдистанска работничка партија. Властите велат дека доцна во вторникот се убиени уште двајца од нив во судирите со војниците во покраината Ван во источна Турција. (Хуријет - 29/05/08; Aгенција Анадолу, НТВ, Заман, Тркиш дејли њус - 28/05/08)