Aлбанија ќе соработува со Хаг во врска со истрагата за шверц со органи

16/05/2008

ТИРАНА, Албанија -- Владата ќе работи со Трибуналот во Хаг за воени злосторства на испитување на тврдењата дека косовските Албанци биле соучесници во шверцот со органи на затворениците во текот на 1990-тите. Според изјавата од четвртокот (15-ти мај): „Албанските обвинители се подготвени да соработуваат со (Трибуналот) и да им помогнат на неговите судии, кои може да дојдат во Албанија, за да соберат дополнителни информации што би можеле да водат до понатамошни истраги.“ Поранешната главна обвинителка на ОН, Карла дел Понте, во нејзината книга вели дека косовските Албанци киднапирале околу 300 српски воени затвореници и ги пренесле од Косово до Албанија. Според неа, киднаперите им ги отстраниле органите за продажба во странство пред да ги убијат.

Во другите вести од четвртокот, полицијата уапси шест лица, вклучително и еден полицаец, осомничени за трговија со луѓе. Косовската полициска служба ги затвори во Приштина и југоисточно Косово, одземајќи им ги лажните пасоши, личните карти, официјалните печати и возачките дозволи. (Коха Диторе, Експрес, Зери - 16/05/08; AФП, БГНЕС, РТК, Телеграф - 15/05/08)