ДП бара повторно отворање на старите случаи поврзани со корупција

16/05/2008

TИРАНА, Албанијa -- Заменик-претседателот на владејачката Демократска партија (ДП), Еди Палока, во четвртокот (15-ти мај) побара од парламентот да му дозволи на генералниот обвинител повторно да ги отвори сите случаи на корупција поврзани со државните претставници. „Имунитетот треба да биде укинат како мерка против корупцијата, но ние исто така повикуваме на отворање на сите досиеја за корупција во обвинителството“, рече Палока.

Опозициската Социјалистичка партија (СП), пак, ја бојкотираше седницата на која мнозинството разговараше за два нацрт-закони поврзани со економијата. Социјалистите велат дека ќе го продолжат својот бојкот додека премиерот Сали Бериша не му поднесе извештај на парламентот за смртоносните експлозии на муниција во Гердец на 15-ти март, за корупцијата и имотите на државните функционери.

Во другите вести, почнувајќи од 1-ви јули, владата планира да ги зголеми платите над нивоата на инфлација. „Двојно ќе ги зголемиме платите во текот на следните четири години. На 1-ви јули ќе ги зголемиме платите за многу повеќе од стапката на инфлација во обид да им понудиме поддршка на корисниците“, рече министерот за финансии, Ридван Боде, во четвртокот. (Коха Јонe - 16/05/08; ToпЧенал, Алсат - 15/05/08)