ДПА се врати во македонската влада
24/03/2008
СКОПЈЕ, Македонија -- Демократската партија на Албанците (ДПА) во неделата (23-ти март) одлучи да се врати во владата, десет дена откако објави дека ја напушта. Одлуката беше донесена за време на состанокот помеѓу претседателот на ДПА, Мендух Тачи, и премиерот Никола Груевски. Сите министри од ДПА ќе продолжат со извршувањето на своите должности, со исклучок на вицепремиерот Имер Алиу.
„ДПА и ВМРО-ДПМНЕ се согласија да формираат работни групи што ќе работат на изнаоѓање решение за усвојување законот за употреба на јазиците, во согласност со уставот и постојните законски прописи, како и во согласност со Охридскиот рамковен договор. Партиите, исто така, ќе разговараат ... во врска со жртвите од конфликтот во 2001 година во согласност со законите, како и за законот за употреба на знамињата, во согласност со уставот“, објави ДПА. Партијата инсистираше дека нејзините ставови во врска со овие прашања биле игнорирани. Официјални претставници во земјата повикуваат на единство, со оглед на тоа што Македонија сé уште се надева дека ќе добие покана на самитот на НАТО во април. (Утрински весник, Вечер - 24/03/08; Maкфакс, ИТАР-ТАСС, А1 - 23/03/08)