Бугарските државни службеници ќе треба да даваат повеќе информации за потенцијалните судири на интереси

07/03/2008

СОФИЈА, Бугарија -- Премиерот Сергеј Станишев во четвртокот (6-ти март) објави дека три вида изјави поврзани со судирите на интереси ќе мора да бидат поднесени од страна на високите државни службеници. Првата изјава, која треба да се поднесе во времето на назначувањето, треба да ги дефинира сите евентуални околности што би можеле да создадат тешкотии или судири на интереси. Државните службеници, потоа, ќе мора да поднесуваат годишни изјави за судирите на интереси, кога нивните соработници или роднини учествуваат на јавните тендери. На крајот, високите функционери ќе мора да пријават какви било конкретни судири на интереси кога истите ќе се појават. Станишев објасни дека мерките се обид да се загарантира етичко однесување. (Сега, 24 Часа, Труд - 07/03/08; бТВ, БНР, News.bg - 06/03/08)