Албанскиот министер за правда ја критикуваше корупцијата помеѓу судиите

26/02/2008

ТИРАНА, Албанија -- Анализирајќи ги минатогодишните остварувања на окружните судови во Валона, Фиер, Берат и Лушња, министерот за правда, Енкелед Алибеај, во понеделникот (25-ти февруари) ги обвини албанските судии за корупција и дозволување на политичките врски да влијаат на нивната работа. Алибеај ги повика сите претставници на судскиот систем да се дистанцираат себеси од корупцијата, велејќи дека таа честопати зазема размер на заразна болест.

Од својата страна, заменик-претседателот на Високиот судски совет, Крешник Спахиу, рече дека сите некомпетентни судии ќе бидат тргнати од нивните места за системот да почне да функционира правилно. Судиите ја обвинуваа огромната заостаната административна работа. (Кохајоне, Шекули, Шкип - 26/02/08; Балканвеб - 25/02/08)