Агим Чеку ја повтори намерата за формирање нова партија

26/12/2007

ПРИШТИНА, Косово, Србија -- Косовскиот премиер во заминување, Агим Чеку, во понеделникот (24-ти декември) рече дека останува решен да создаде нова политичка партија откако ќе замине од функцијата. Соопштението на Чеку ја негираше шпекулацијата дека е можно да се приклучи на Косовската реформистичка партија (ОРА), која се појави во неделата, откако претседателот на ОРА, Ветон Сурои, се повлече. „Сакам да останам во Косово цело време, за да земам учество во процесите и да бидам на располагање на Косово“, рече Чеку. Тој планира да се повлече од функцијата во јануари кога Хашим Тачи, кој победи на парламентарните избори на 17-ти ноември, се очекува да формира нова влада.

Во другите вести, шефот на УНМИК, Јоаким Рикер, ќе му поднесе извештај на Советот за безбедност на ОН на 8-ми и 9-ти јануари, изјави во понеделникот рускиот амбасадор во ОН Витали Чуркин. Рикер требаше да има обраќање пред советот овој месец, но тоа беше одложено поради агендата на Советот. (КИК, РТК, Телеграфи, РФЕ, Косовалајв, Косовапрес, ИТАР-ТАСС, Ксинхуа, Блиц - 25/12/07; РИА Новости, Макфакс, Балкан инсајт - 24/12/07)