Башеску ги покани партиите на разговори околу мнозинскиот гласачки систем

28/11/2007

БУКУРЕШТ, Романија -- Претседателот Трајан Башеску во вторникот (27-ми ноември) ги покани парламентарните партии и претставниците на етничките малцинства да се состанат в четврток на разговори околу мнозинскиот гласачки систем, по неуспешниот референдум за ова прашање во неделата. Национал-либералната партија (ПНЛ), Социјалдемократската партија (ПСД), Партијата за голема Романија и Конзервативната партија ја одбија поканата. Либерал-демократската партија (ПЛД) вели дека ќе присуствува, како и Демократската партија (ПД) и Унгарскиот демократски сојуз во Романија.

Конечните резултати од изборите за места во Европскиот парламент, кои исто така се одржаа во неделата, посочуваат дека опозициската ПД, која го поддржува Башеску, освои 28,82 отсто од гласовите. Социјалдемократите освоија 23,11 отсто, додека владејачката ПНЛ на премиерот Калин Попеску Таричеану беше трета со 13,44 отсто од гласовите. (Nine o'clock - 28/11/07; AФП - 27/11/07)